ചെൽസിയുടെ അർമാണ്ടോ ബ്രോഹയെ ടീമിൽ എത്തിച്ചു എവർട്ടൺ. ഈ സീസൺ അവസാനം വരെ ലോണിൽ ആണ് അൽബാനിയൻ താരമായ 22 കാരനായ ബ്രോഹയെ എവർട്ടൺ ടീമിൽ എത്തിക്കുന്നത്. മുന്നേറ്റത്തിൽ നീൽ മൗപെ ഫ്രഞ്ച് ക്ലബ് മാഴ്‌സയിൽ ചേർന്ന വിടവ് നികത്താൻ എവർട്ടൺ യുവ ചെൽസി താരത്തെ ടീമിൽ എത്തിക്കുന്നത്.
ലോണിന് ശേഷം താരത്തിന്റെ പ്രകടനത്തിന്റെ അടിസ്ഥാനത്തിൽ 30 മില്യൺ പൗണ്ട് നൽകി താരത്തെ സ്വന്തമാക്കാനുള്ള വ്യവസ്ഥയും ഈ കരാറിൽ ഉണ്ട്. നേരത്തെ താരത്തിന്റെ ഇപ്സ്വിച് നീക്കം പരാജയപ്പെട്ടിരുന്നു, ഇന്നും അവർ താരത്തിന് ആയി ശ്രമിച്ചു എങ്കിലും അതും പരാജയം ആയി. തുടർന്ന് ആണ് 9 വയസ്സ് മുതൽ ചെൽസി അക്കാദമി താരമായ താരത്തെ എവർട്ടൺ സ്വന്തമാക്കിയത്. നേരത്തെ ലോണിൽ സൗതാപ്റ്റണിൽ ബ്രോഹ തിളങ്ങിയിരുന്നു.
