ബ്രസീലിയൻ മിഡ്ഫീൽഡർ ഡഗ്ലസ് ലൂയിസിനെ സ്വന്തമാക്കാൻ യുവൻ്റസ്. ഇതിനായി യുവന്റസും ആസ്റ്റൺ വില്ലയുമായി വിപുലമായ ചർച്ചകൾ നടത്തിവരികയാണ് എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു.
വെസ്റ്റൺ മക്കെന്നി, സാമുവൽ ഐലിംഗ്-ജൂനിയർ എന്നിവർ യുവന്റസിൽ നിന്ന് ആസ്റ്റൺ വില്ലയിലേക്ക് വരിക കൂടെ ചെയ്യുന്ന രീതിയിൽ ഒരു ഡീലിന്റെ ചർച്ചയിലാണ് യുവന്റസും വില്ലയും ഉള്ളത്.
കഴിഞ്ഞ സീസണിൽ വില്ലക്ക് ആയി 35 ലീഗ് മത്സരങ്ങൾ കളിച്ച ഡഗ്ലസ് ലൂയിസ് 9 ഗോളുകളും 5 അസിസ്റ്റും നൽകിയിരുന്നു. വെസ്റ്റൺ മക്കെന്നി, സാമുവൽ ഐലിംഗ്-ജൂനിയർ എന്നിവർക്ക് പുറമെ 20 മില്യൺ യൂറോ ഫീ ആയും ആസ്റ്റൺ വില്ലയ്ക്ക് ലഭിക്കും. 2019 മുതൽ വില്ലയ്ക്ക് ഒപ്പം ഉള്ള താരമാണ് ലൂയിസ്.
