യുവന്റസിന്റെ ബ്രസീലിയൻ വിംഗർ ഡഗ്ലസ് കോസ്റ്റ ഇനി മേജർ ലീഗ് സോക്കർ ക്ലബ്ബായ എൽ.എ ഗാലക്സിയിൽ കളിക്കും. ആറ് മാസത്തെ ലോണിലാണ് കോസ്റ്റ മേജർ ലീസ് സോക്കറിലേക്ക് പോവുന്നത്. പിന്നീട് കരാർ രണ്ട് സീസണിലേക്ക് പുതുക്കുമെന്നാണ് പുറത്ത് വരുന്ന റിപ്പോർട്ടുകൾ. നിലവിൽ ബ്രസീലിയൻ ക്ലബ്ബായ ഗ്രെമിയോയിലാണ് കോസ്റ്റ കളിച്ചുകൊണ്ടിരുന്നത്.
ശക്തറിലൂടെയാണ് യൂറോപ്യൻ ഫുട്ബോളിലേക്ക് കോസ്റ്റയെത്തുന്നത്. ശക്തറിനൊപ്പം അഞ്ച് ലീഗ് കിരീടങ്ങളും കോസ്റ്റ നേടിയിട്ടുണ്ട്. പിന്നീട് ബയേൺ മ്യൂണിക്കിനൊപ്പവും കോസ്റ്റ കളിച്ചു. 30 മില്ല്യൺ നൽകിയായിരുന്നു കോസ്റ്റയെ ബയേൺ ശക്തറിൽ നിന്നും അലയൻസിലെത്തിച്ചത്. ടൂറിനിൽ യുവന്റസിനൊപ്പം മൂന്ന് ലീഗ് കിരീടങ്ങളും കോസ്റ്റ നേടിയിട്ടുണ്ട്.
