ബയേൺ മ്യൂണിക്കിൻ്റെ കിംഗ്സ്ലി കോമാൻ സൗദി അറേബ്യയിലേക്ക് പോകാൻ സാധ്യത. അൽ ഹിലാൽ എഫ്സി താരത്തിനായി ഓഫർ സമർപ്പിച്ചതായാണ് റിപ്പോർട്ടുകൾ. കഴിഞ്ഞ ഒമ്പത് വർഷമായി ബയേണിൽ ചെലവഴിച്ച ഫ്രഞ്ച് വിംഗറിന് സൗദി അറേബ്യൻ ക്ലബ് വലിയ ഓഫർ നൽകിയതായി റിപ്പോർട്ട്. ഈ ഓഫർ താരം അംഗീകരിക്കും എന്ന് വിശ്വസിക്കപ്പെടുന്നു.
ബയേണൊപ്പം ഒമ്പത് സീസണിൽ നിന്ന്
എട്ട് ബുണ്ടസ്‌ലിഗ കിരീടങ്ങൾ ഉൾപ്പെടെ 19 കിരീടങ്ങൾ താരം നേടി. ഇതിൽ ഒരു ചാമ്പ്യൻസ് ലീഗ് കിരീടവും ഉൾപ്പെടുന്നു. മുമ്പ് യുവന്റസിലും പി എസ് ജിയിലും താരം കളിച്ചിട്ടുണ്ട്.
