ബ്രന്റ്ഫോർഡിന്റെ കോങ്കോ മുന്നേറ്റ നിര താരം യോൻ വിസക്ക് ആയുള്ള ന്യൂകാസ്റ്റിൽ യുണൈറ്റഡ് ഓഫർ നിരസിച്ചു ബ്രന്റ്ഫോർഡ്. 25 മില്യൺ പൗണ്ടിന്റെ ന്യൂകാസ്റ്റിൽ യുണൈറ്റഡ് ഓഫർ ആണ് അവർ നിരസിച്ചത്. നിലവിൽ 28 കാരനായ താരവും ആയി ഏതാണ്ട് വ്യക്തിഗത ധാരണയിൽ ന്യൂകാസ്റ്റിൽ എത്തിയിട്ടുണ്ട്. കഴിഞ്ഞ സീസണിൽ പ്രീമിയർ ലീഗിൽ ഉഗ്രൻ പ്രകടനം ആണ് വിസ കാഴ്ചവെച്ചത്.
സൂപ്പർ താരം ബ്രയാൻ എംബ്യൂമോയെ മാഞ്ചസ്റ്റർ യുണൈറ്റഡിനും പരിശീലകൻ തോമസ് ഫ്രാങ്കിനെ ടോട്ടനത്തിനും ആയി നഷ്ടമായ ബ്രന്റ്ഫോർഡ് വിസയെ നിലനിർത്താൻ തന്നെയാണ് ശ്രമിക്കുന്നത്. എന്നാൽ ക്ലബ് വിടാൻ ആണ് വിസയുടെ താൽപ്പര്യം എന്നാണ് സൂചന. താരത്തെ സ്വന്തമാക്കാൻ വീണ്ടും പുതിയ ഓഫറുകളും ആയി ന്യൂകാസ്റ്റിൽ രംഗത്ത് ഉണ്ടാവും എന്നു തന്നെയാണ് റിപ്പാർട്ടുകൾ.