മാഞ്ചസ്റ്റർ യുണൈറ്റഡ് അവരുടെ യുവനിരയെ ശക്തമാക്കുന്നത് തുടരുകയാണ്. പുതുതായി ബാഴ്സലോണയുടെ ഒരു താരത്തെയാണ് മാഞ്ചസ്റ്റർ യുണൈറ്റഡ് സ്വന്തമാക്കിയിരിക്കുന്നത്. ബാഴ്സലോണയുടെ അണ്ടർ 16 താരമായ മാർക് ജുറാദോ ആണ് ഇംഗ്ലണ്ടിലേക്ക് എത്തുന്നത്. ബാഴ്സലോണ വാഗ്ദാനം ചെയ്ത വലിയ ഓഫർ നിരസിച്ചാണ് താരം യുണൈറ്റഡിലേക്ക് എത്തുന്നത്.
15കാരനായ താരം റൈറ്റ് ബാക്കായാണ് കളിക്കുന്നത്. ബാഴ്സലോണയിൽ വളരെ വലിയ ഭാവി ഉണ്ട് എന്ന് കരുതപ്പെട്ട താരമായിരുന്നു. പണ്ട് 2004-ൽ 16കാരനായ പികെയെ മാഞ്ചസ്റ്റർ യുണൈറ്റഡ് സൈൻ ചെയ്തതിനോടാണ് ജുറാദോയുടെ സൈനിംഗിനെ വിദഗ്ദ്ധർ ഉപമിക്കുന്നത്.
