ബ്രസീലിയൻ താരത്തെ സ്വന്തമാക്കി പ്രീമിയർ ലീഗ് ക്ലബ്ബായ ആസ്റ്റൺ വില്ല. ലീഗ് ചാമ്പ്യന്മാരായ മാഞ്ചസ്റ്റർ സിറ്റിയുടെ മധ്യനിര താരം ഡഗ്ലസ് ലൂയിസിനെയാണ് ആസ്റ്റൺ വില്ല ടീമിലെത്തിച്ചത്. 21കാരനായ താരത്തിന് വേണ്ടി 15 മില്ല്യൺ പൗണ്ടോളം വില്ല മുടക്കിയെന്നാണ് റിപ്പോർട്ടുകൾ.
ബ്രസീലിയൻ ക്ലബ്ബായ വാസ്കോ ഡ ഗാമയിലൂടെയാണ് ഡഗ്ലസ് വളർന്നത്. 2017ലാണ് മാഞ്ചസ്റ്റർ സിറ്റി താരത്തെ ഇംഗ്ലണ്ടിലെത്തിച്ചത്. എന്നാൽ ഒരു മത്സരം പോലും പെപ്പ് ഗാർഡിയോളയുടെ ടീമിൽ കളിക്കാൻ ഡഗ്ലസിന് സാധിച്ചില്ല. സ്പാനിഷ് ടീമായ ജിറോണയുടെ താരമായിരുന്നു ഡഗ്ലസ് ലൂയിസ്. 2016 നു ശേഷം പ്രീമിയർ ലീഗിൽ തിരിച്ചെത്തുന്ന ആസ്റ്റൺ വില്ല 100 മില്ല്യൺ യൂറോയുടെ അടുത്ത് മുടക്കിക്കഴിഞ്ഞു.
