യുവന്റസ് ഗോൾ കീപ്പർ ചെസ്നി ഫ്രീ ഏജന്റായി ക്ലബ് വിടും. ചെസ്നിയെ റിലീസ് ചെയ്യാൻ യുവന്റസ് തീരുമാനിച്ചതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. താരവും ക്ലബും തമ്മിൽ നടത്തിയ ചർച്ചകൾക്ക് ഒടുവിലാണ് കരാർ റദ്ദാക്കാൻ തീരുമാനമായത്.
ചെസ്നിയെ സ്വന്തമാക്കാൻ അൽ നസർ ഉൾപ്പെടെയുള്ള ക്ലബുകൾ രംഗത്ത് ഉണ്ട്. യുവന്റസ് പുതിയ കീപ്പറായ ഡി ഗ്രിഗോറിയോയെ ടീമിലേക്ക് എത്തിച്ചിട്ടുണ്ട്.
പോളിഷ് ഇന്റർനാഷണൽ 2017-ൽ എത്തിയതിന് ശേഷം യുവന്റസിന്റെ പ്രധാന കളിക്കാരനാണ്. യുവന്റസിനൊപ്പം 250ൽ അധികം മത്സരങ്ങൾ കളിച്ചു. 3 ലീഗ് കിരീടങ്ങൾ അടക്കം എട്ട് കിരീടങ്ങൾ ചെസ്നി നേടിയിട്ടുണ്ട്.
