കേരള ബ്ലാസ്റ്റേഴ്സ് ഗോവയ്ക്ക് എതിരായ മത്സരത്തിൽ ആദ്യപകുതിയിൽ നന്നായി കളിച്ചുവെന്നും രണ്ടും പകുതിയുടെ തുടക്കത്തിൽ വഴങ്ങിയ ഗോൾ ആണ് കളിയുടെ ഗതി മാറ്റിയത് എന്നും കേരള ബ്ലാസ്റ്റേഴ്സിന്റെ ഇടക്കാല പരിശീലകൻ ടിജി പുരുഷോത്തമൻ. രണ്ടാം പകുതിയിൽ വഴങ്ങിയ 2 ഗോളിന് കേരള ബ്ലാസ്റ്റേഴ്സ് പരാജയപ്പെട്ടിരുന്നു.
“ആദ്യ പകുതിയിൽ മത്സരം മികച്ചതായിരുന്നു, രണ്ടാം പകുതിയുടെ ആദ്യ മിനിറ്റുകളിൽ ഗോൾ വഴങ്ങി. ആദ്യ പകുതിയിൽ പ്ലാൻ ചെയ്തത് ഞങ്ങൾക്ക് വ്യക്തമായി നടത്താൻ ആയി. പക്ഷെ രണ്ടാം പകുതിയിൽ കൈവിട്ടുപോയി,” അദ്ദേഹം വ്യക്തമാക്കി.
കേരള ബ്ലാസ്റ്റേഴ്സിന്റെ അടുത്ത മത്സരം സ്വന്തം ഹോമായ കൊച്ചിയിൽ ജംഷഡ്പൂരിന് എതിരെയാണ്. അവർക്കെതിരെ ജയത്തിലൂടെ തിരിച്ചുവരവിന് ശ്രമിക്കുമെന്ന് അദ്ദേഹം പറഞ്ഞു..
