നിപ്പ കാരണം മലപ്പുറം എഫ് സി ഉദ്ഘാടനം മാറ്റിവെച്ചു. നിപ്പ പ്രോട്ടോകോൾ മാനിച്ച് മറ്റൊരു ദിവസത്തേക്ക് ഉദ്ഘാടനം മാറ്റിവെച്ചതായി ക്ലബ് ഒരു ഔദ്യോഗിക പ്രസ്താവനയിലൂടെ അറിയിച്ചു. ജൂലൈ 26 വെള്ളിയാഴ്ച വൈകിട്ട് മലപ്പുറം എംഎസ്പി ഗ്രൗണ്ടിൽ ബഹുമാനപ്പെട്ട എം എ യൂസഫലി ഉദ്ഘാടനം നിർവഹിക്കേണ്ട പരിപാടി ആഗസ്റ്റിലേക്കാണ് ഇപ്പോൾ മാറ്റിയിരിക്കുന്നത്.
യൂസഫലി തന്നെയായിരിക്കും ഉദ്ഘാടകൻ എന്ന് ക്ലബ്ബ് അറിയിച്ചു. പരിപാടിക്ക് ആവശ്യമായ എല്ലാ ഒരുക്കങ്ങളും പൂർത്തിയായിരുന്നു എങ്കിലും നിപ്പ പ്രോട്ടോകോൾ അനുസരിക്കേണ്ടത് നാടിൻറെ ആവശ്യമായിരുന്നതിനാലാണ് പരിപാടി മാറ്റിവെക്കുന്നത് എന്ന് ഭാരവാഹികൾ അറിയിച്ചു. പരിപാടിയുടെ പുതിയ തീയതി പിന്നീട് അറിയിക്കുന്നതാണ് എന്നും ക്ലബ്ബ് പറഞ്ഞു.
