സ്ത്രീകള്‍ക്കും 12 വയസ്സിന് താഴെ ഉള്ള കുട്ടികള്‍ക്കും പ്രവേശനം സൗജന്യം
വിദ്യാര്‍ത്ഥികള്‍ക്ക് ടിക്കറ്റിന് 69 രൂപ
കണ്ണൂര്‍: സൂപ്പര്‍ ലീഗ് കേരളയില്‍ കണ്ണൂര്‍ വാരിയേഴ്‌സ് എഫ്‌സിയുടെ മുന്‍സിപ്പല്‍ ജവഹര്‍ സ്റ്റേഡിയത്തിലെ ഹോം മത്സരങ്ങളുടെ ടിക്കറ്റ് വില്‍പന ആരംഭിച്ചു. മൂന്ന് വിഭാഗങ്ങളിലായിയാണ് ടിക്കറ്റുകള്‍ ഉള്ളത്. 99 രൂപയുടെ ഗ്യാലറി, 149 രൂപയുടെ ഡിലക്‌സ്, 199 രൂപയുടെ പ്രീമിയം എന്നിങ്ങനെയാണ് ടിക്കറ്റ് നിരക്കുകള്‍.
സ്ത്രീകള്‍ക്കും 2013 ഡിസംബര്‍ 15 ന് ശേഷം ജനിച്ച 12 വയസ്സിന് താഴെയുള്ള കുട്ടികള്‍ക്കും ഗ്യാലറിയില്‍ പ്രവേശനം സൗജന്യമായിരിക്കും. ടിക്കറ്റ് എടുക്കേണ്ട ആവശ്യമില്ല. സ്‌കൂള്‍ കേളേജ് വിദ്യാര്‍ത്ഥികള്‍ക്ക് 69 രൂപയുടെ പ്രത്യേക പ്രവേശന പാസ് ഉണ്ടായിരിക്കുന്നതാണ്. ഓഫ്‌ലൈനിലായിരിക്കും വിദ്യാര്‍ത്ഥികള്‍ക്ക് പാസ് ലഭിക്കുക. കൂടാതെ 149,199 രൂപയുടെ ടിക്കറ്റുകള്‍ എടുക്കുന്നവരുടെ കൂടെ ഒരു സ്ത്രിയ്ക്കും 12 വയസ്സിന് താഴെ ഉള്ള രണ്ട് കുട്ടികള്‍ക്കും ഡിലക്‌സ്, പ്രീമിയം വിഭാഗത്തില്‍ പ്രവേശിക്കാവുന്നതാണ്.
ഒരു ടിക്കറ്റ് എടുത്താല്‍ നാല് പേര്‍ക്ക് മത്സരം കാണാന്‍ സാധിക്കും. അതോടൊപ്പം 20 ശതമാനം വിലകുറവില്‍ അഞ്ച് മത്സരങ്ങളുടെ സീസണ്‍ ടിക്കറ്റും ഓണ്‍ലൈനില്‍ ലഭ്യമാണ്.
www.ticketgenie.in എന്ന വെബ് സൈറ്റിലോ, അപ്ലിക്കേഷനില്‍ നിന്നോ ഓണ്‍ലൈനായി ടിക്കറ്റ് എടുക്കാവുന്നതാണ്. ഓഫ് ലൈന്‍ ടിക്കറ്റുകള്‍ ഷോപ്രിക്‌സ് സൂപ്പര്‍ മാര്‍ക്കറ്റിന്റെ താഴെചൊവ്വ, തൃകരിപ്പൂര്‍, പയ്യന്നൂര്‍, തളിപ്പറമ്പ്, പുതിയെരു എന്നീ ഔട്ട് ലെറ്റുകളില്‍ ലഭ്യമാണ്. കൂടാതെ കണ്ണൂര്‍ ജവഹര്‍ സ്റ്റേഡിയത്തിലെ ഓര്‍ഗനൈസിംങ് കമ്മിറ്റി ഓഫീസിലെ ടിക്കറ്റ് കൗണ്ടറില്‍ നിന്നും ടിക്കറ്റ് ലഭിക്കുന്നതാണ്.
ജേഴ്‌സികള്‍ വാങ്ങാം
കണ്ണൂര്‍ വാരിയേഴ്‌സ് എഫ്‌സിയുടെ ഹോം, എവേ, പരിശീലന ജേഴ്‌സികള്‍ ഷോപ്രിക്‌സ് സൂപ്പര്‍ മാര്‍ക്കറ്റിന്റെ താഴെചൊവ്വ, തൃകരിപ്പൂര്‍, പയ്യന്നൂര്‍, തളിപ്പറമ്പ്, പുതിയെരു എന്നീ ഔട്ട് ലെറ്റുകളില്‍ നിന്ന് വാങ്ങാവുന്നതാണ്.
