കൊച്ചി: കളിച്ച ആറ് മത്സരങ്ങളിലും വിജയം നേടാൻ കഴിയാതെ വന്നതിനെ തുടർന്ന് പ്രതിസന്ധിയിലായ ഫോർസ കൊച്ചി ഫുട്ബോൾ ക്ലബ്ബും മുഖ്യ പരിശീലകൻ മിഗ്വൽ യ്യാഡോയും പരസ്പര ധാരണയോടെ വേർപിരിഞ്ഞു. ഈ സീസൺ തുടക്കത്തിൽ ക്ലബ്ബിൽ ചേർന്ന യ്യാഡോയുടെ അർപ്പണബോധത്തിനും പരിശ്രമങ്ങൾക്കും ക്ലബ്ബ് നന്ദി രേഖപ്പെടുത്തി.
സൂപ്പർ ലീഗ് കേരള സീസണിൽ മെച്ചപ്പെടാൻ ശ്രമിക്കുന്ന ഫോർസ കൊച്ചി പുതിയ പരിശീലകനെ അന്വേഷിക്കാൻ തീരുമാനിക്കുക ആയിരുന്നു. ആറിൽ ആറ് മത്സരങ്ങളും തോറ്റ് ലീഗ് ടേബിളിൽ ഏറ്റവും അവസാന സ്ഥാനത്താണ് ഫോർസ കൊച്ചി ഇപ്പോൾ ഉള്ളത്.
