സൂപ്പർ കപ്പ് ക്വാർട്ടർ ഫൈനലിൽ മോഹൻ ബഗാൻ സൂപ്പർ ജയന്റ്സിനെ നേരിടുന്ന കേരള ബ്ലാസ്റ്റേഴ്സ് ആദ്യ പകുതിയിൽ ഒരു ഗോളിന് പിന്നിൽ. മുൻ കേരള ബ്ലാസ്റ്റേഴ്സ് താരം സഹൽ അബ്ദുൽ സമദിന്റെ ഗോളിലാണ് മോഹൻ ബഗാൻ ലീഡ് നേടിയത്
മത്സരത്തിന്റെ തുടക്കം മുതൽ മികച്ച അവസരങ്ങൾ സൃഷ്ടിക്കാൻ കേരള ബ്ലാസ്റ്റേഴ്സ് ബുദ്ധിമുട്ടുന്ന കാഴ്ചയാണ് കാണാൻ കഴിഞ്ഞത്. മത്സരത്തിന്റെ 22-ാം മിനിറ്റിലാണ് സഹൽ ഗോൾ നേടിയത്. ഒരു ക്രോസ് സ്വീകരിച്ച് മനോഹരമായ ഫിനിഷിലൂടെ താരം പന്ത് വലയിലെത്തിക്കുകയായിരുന്നു.
കേരള ബ്ലാസ്റ്റേഴ്സിന്റെ ആദ്യ ഗോൾശ്രമം മത്സരത്തിന്റെ 28-ാം മിനിറ്റിലാണ് ഉണ്ടായത്. നോഹ സദാവോയിയുടെ ഒരു ഗോൾ ശ്രമം ധീരജിന്റെ സേവിൽ അവസാനിച്ചു. ധീരജിന്റെ മികച്ച പ്രകടനം പിന്നീടും കേരള ബ്ലാസ്റ്റേഴ്സിനെ ഗോൾ നേടുന്നതിൽ നിന്ന് അകറ്റി നിർത്തി.
രണ്ടാം പകുതിയിൽ ശക്തമായി തിരിച്ചുവന്ന് വിജയം നേടാനായിരിക്കും കേരള ബ്ലാസ്റ്റേഴ്സ് ശ്രമിക്കുക.
