ഇന്ത്യൻ ഫുട്ബോളിനായി രണ്ട് പതിറ്റാണ്ട് ആയി കളിക്കുന്ന സുനിൽ ഛേത്രി ഗോളടിക്കാനുള്ള തന്റെ ഹംഗർ കുറഞ്ഞിട്ടില്ല എന്ന് പറഞ്ഞു. എ ഐ എഫ് എഫ് വെബ്സൈറ്റിന് നൽകിയ അഭിമുഖത്തിൽ സംസാരിക്കുകയായിരുന്നു ഛേത്രി. ഇന്ത്യക്ക് ആയി 84 ഗോളുകൾ നേടിയിട്ടുള്ള താരമാണ് ഛേത്രി.
“സ്കോർ ചെയ്യാനുള്ള എന്റെ ഹംഗർ എല്ലായ്പ്പോഴും ഉള്ളതു പോലെ തന്നെയുണ്ട്, അത് കിർഗിസ് റിപ്പബ്ലിക്കിനെതിരെയും സമാനമായിരിക്കും.” ഛേത്രി പറഞ്ഞു.
കഴിഞ്ഞ മത്സരത്തിൽ ഛേത്രി ഗോൾ നേടിയിരുന്നു എങ്കിലും ഓഫ് സൈഡ് വിധി കാരണം ആ ഗോൾ നിഷേധിക്കപ്പെട്ടിരുന്നു. ഓഫ്-സൈഡുകളും പെനാൽറ്റി തീരുമാനങ്ങളും ഗെയിമിന്റെ ഭാഗമാണ് എന്നും ഒരു നിശ്ചിത സമയത്തേക്ക് മാത്രമെ നിങ്ങൾ അവയെ കുറിച്ച് ചിന്തിക്കു എന്നും ഛേത്രി പറഞ്ഞു. ഞാൻ അടുത്ത മത്സരത്തിനായി കാത്തിരിക്കുകയാണെന്നും ഛേത്രി the-aiff.com-നോട് പറഞ്ഞു.
