തൊടുപുഴയിൽ വെച്ച് നടക്കുന്ന 43ആമത് സംസ്ഥാന സബ് ജൂനിയർ ഫുട്ബോൾ സെമി ഫൈനൽ ലൈനപ്പ് ആയി. നാളെ നടക്കുന്ന ആദ്യ സെമി ഫൈനലിൽ കണ്ണൂർ പാലക്കാടിനെ നേരിടും. വൈകിട്ട് 3 മണിക്കാണ് ആദ്യ സെമി നടക്കുക. വൈകിട്ട് 4.30ന് നടക്കുന്ന രണ്ടാം സെമി ഫൈനലിൽ കോഴിക്കോട് തൃശ്ശൂരിനെ നേരിടും.
ഗ്രൂപ്പ് എയിൽ തിരുവനന്തപുരം, എറണാകുളം, വയനാട് എന്നിവരെ തോൽപ്പിച്ച് ഗ്രൂപ്പ് ചാമ്പ്യന്മാരായണ് കണ്ണൂർ സെമിയിൽ എത്തിയത്. കോട്ടയത്തോട് തോറ്റെങ്കിലും കൊല്ലത്തെയും മലപ്പുറത്തെയും തോൽപ്പിച്ച് കോഴിക്കോട് സെമി ഉറപ്പിച്ചു.
കാസർഗോഡിനെതിരെയും പത്തനംതിട്ടക്ക് എതിരെയും ആറ് ഗോളടിച്ച് വലിയ വിജയം നേടിയാണ് പാലക്കാട് ഗ്രൂപ്പ് സി ചാമ്പ്യന്മാരായത്. ആലപ്പുഴയെ തോൽപ്പിക്കുകയും ഇടുക്കിയെ സമനിലയിൽ തളക്കുകയും ചെയ്ത് തൃശ്ശൂർ ഗ്രൂപ്പ് ഡിയിൽ നിന്നും സെമിയിലേക്ക് മുന്നേറി.
