കാലിക്കറ്റ് യൂണിവേഴ്സിറ്റിയിൽ നടക്കുന്ന പെൺകുട്ടികളുടെ സംസ്ഥാന സബ് ജൂനിയർ ഫുട്ബാൾ ചാമ്പ്യൻഷിപ്പിന്റെ ഫൈനൽ ലൈനപ്പ് ആയി. ഫൈനലിൽ എറണാകുളം കോഴിക്കോടും തമ്മിൽ ആകും എറ്റുമുട്ടുക. ഇന്ന് നടന്ന ആദ്യ സെമിയിൽ എറണാകുളം മലപ്പുറത്തെ 3-0 ന് പരാജയപ്പെടുത്തി. എറണാകുളത്തിനായി ആദിശ്രീ, ശിവാനന്ദ, ആലിയ എന്നിവർ ആണ് ഗോൾ നേടിയത്.
രണ്ടാം സെമിയിൽ കോഴിക്കോട് 4-1 ന് കാസർകോടിനെ പരാജയപ്പെടുത്തി. കോഴിക്കോടിനായി വാണി ശ്രീ ഹാട്രിക്ക് നേടി. നന്ദ വിയും ഗോൾ നേടി. 30/8/23ന് രാവിലെ 7നു ലൂസേഴ്സ് ഫൈനലും 8.30നു ഫൈനലും ആരംഭിക്കും. നേരത്തെ ഗ്രൂപ്പ് ഘട്ടത്തിൽ കോഴിക്കോടും എറണാകുളവും ഏറ്റുമുട്ടിയപ്പോൾ എറണാകുളം 4-1ന് വിജയിച്ചിരുന്നു.
