അറുപതാമത് സീനിയർ പുരുഷ സംസ്ഥാന സീനിയർ ഫുട്ബോൾ ചാമ്പ്യൻഷിപ്പ് സെപ്റ്റംബർ രണ്ടാം തീയതി ആരംഭിക്കും. കേരള ഫുട്ബോൾ അസോസിയേഷൻ നടത്തുന്ന ചാമ്പ്യൻഷിപ്പ് പാല മുനിസിപ്പൽ സ്റ്റേഡിയത്തിൽ വെച്ചാകും നടക്കുക. കേരളത്തിലെ 14 ജില്ലാ ടീമുകളും ഈ ചാമ്പ്യൻഷിപ്പിൽ പങ്കെടുക്കും. ദിവസവും രണ്ടു മത്സരങ്ങൾ ആയിരിക്കും നടക്കുക. രണ്ടാം തീയതി നടക്കുന്ന ആദ്യ മത്സരത്തിൽ ഇടുക്കിയും കാസർകോടും തമ്മിൽ ഏറ്റുമുട്ടും.
സെമിഫൈനൽ മത്സരങ്ങൾ സെപ്റ്റംബർ ഏഴിനും സെപ്റ്റംബർ എട്ടിനും നടക്കും. ഫൈനൽ സെപ്റ്റംബർ പത്താം തീയതി വൈകിട്ട് നാലു മണിക്കാകും നടക്കുക.
