അമ്പത്തി അഞ്ചാമത് സംസ്ഥാന സീനിയർ ഫുട്ബോൾ നാളെ മുതൽ തിരുവനന്തപുരത്ത് നടക്കും. നേരത്തെ നവംബർ ഒന്നാം തീയതി മുതൽ നടത്താനിരുന്ന ടൂർണമെന്റ് പിന്നീട് മൂന്നാം തീയതിയിലേക്ക് മാറ്റുകയായിരുന്നു. കേരള ഫുട്ബോൾ അസോസിയേഷൻ നടത്തുന്ന സീനിയർ ഫുട്ബോൾ ചാമ്പ്യൻഷിപ്പിന് കാര്യവട്ടമാണ് വേദിയാവുക. കേരളത്തിലെ മുഴുവൻ ജില്ലകളും പങ്കെടുക്കുന്ന ടൂർണമെന്റിൽ ഇത്തവണയും ശക്തമായ പോരാട്ടങ്ങൾ പ്രതീക്ഷിക്കുന്നു.
നാളെ നടക്കുന്ന ഉദ്ഘാടന മത്സരത്തിൽ രാവികെ 7.30ന് ഇടുക്കി തൃശ്ശൂരിനെ നേരിടും. തിരുവനന്തപുരം പത്തനംതിട്ടയും തമ്മിലാണ് നാളത്തെ രണ്ടാം മത്സരം. ദിവസം രണ്ട് മത്സരങ്ങൾ വീതമാണ് ഉള്ളത്. നവംബർ എട്ടിന് ആദ്യ സെമിയും ഒമ്പതാം തീയതി രണ്ടാം സെമി ഫൈനലും നടക്കും. നവംബർ 10നാകും ഫൈനൽ നടക്കുക. മത്സരത്തിന് കാണികൾക്ക് സൗജന്യ പ്രവേശനം ഉണ്ടായിരിക്കും. മത്സരങ്ങൾ തത്സമയം ലൈവ് സ്ട്രീം ചെയ്യാനും കെ എഫ് എ ആലോചിക്കുന്നുണ്ട്.
