എടക്കര അഖിലേന്ത്യാ സെവൻസിൽ സോക്കർ ഷൊർണ്ണൂരിന് ജയം. ഇന്നലെ നടന്ന മത്സരത്തിൽ ഫ്രണ്ട്സ് മമ്പാടിനെ ഒന്നിനെതിരെ രണ്ടു ഗോളുകൾക്കാണ് സോക്കർ ഷൊർണ്ണൂർ തോൽപ്പിച്ചത്‌. ഫ്രണ്ട്സ് മമ്പാടിനെ ഇതിനു മുമ്പ് ഈ സീസണിൽ കൊണ്ടോട്ടിയിൽ വെച്ച് നേരിട്ടപ്പോഴും ഷൊർണ്ണൂർ തോൽപ്പിച്ചിരുന്നു.
ഇരിക്കൂർ അഖിലേന്ത്യാ സെവൻസിൽ സൂപ്പർ സ്റ്റുഡിയോ മലപ്പുറത്തെ പടന്നയുടെ ശക്തികളായ ഷൂട്ടേഴ്സ് പടന്ന മുട്ടുകുത്തിച്ചു. രണ്ട് ഗോളുകൾക്കായിരുന്നു ഷൂട്ടേഴ്സിന്റെ ജയം. ഷൂട്ടേഴ്സിന്റെ തുടർച്ചയായ മൂന്നാം ജയമാണിത്.
എടപ്പാൾ അഖിലേന്ത്യാ സെവൻസിൽ ശാസ്താ മെഡിക്കൽസ് എതിരില്ലാത്ത രണ്ടു ഗോളുകൾക്ക് ടൗൺ ടീം അരീക്കൊടിനെ വീഴ്ത്തി. ശാസ്താ മെഡിക്കൽസിനായി ബംബയും ലിയോയുമാണ് ഇന്ന് ലക്ഷ്യം കണ്ടത്‌. മഞ്ചേരി അഖിലേന്ത്യാ സെവൻസിൽ ഫിറ്റ് വെൽ കോഴിക്കോട് പെനാൾട്ടി ഷൂട്ടൗട്ടിൽ അൽ ശബാബ് തൃപ്പനച്ചിയെ പരാജയപ്പെടുത്തി. നിശ്ചിത സമയത്ത് 1-1 എന്നായിരുന്നു സ്കൊർ.
കൂടുതൽ കായിക വാർത്തകൾക്ക് : www.facebook.com/FanportOfficial
