2024-25 അഖിലേന്ത്യാ സെവൻസ് ഫുട്ബോൾ സീസൺ ഇന്ന് രാത്രി ആരംഭിക്കും. സീസൺ ഉദ്ഘാടന ടൂർണമെൻ്റ് ചെർപ്പുളശ്ശേരിയിൽ ആണ് നടക്കുന്നത്. ഇന്ന് രാത്രി നടക്കുന്ന ആദ്യ മത്സരത്തിൽ ഫിറ്റ്‌വെൽ കോഴിക്കോട് കെഎംജി മാവൂരിനെ ആകും നേരിടുക.
ഈ സീസണിൽ, കേരളത്തിൽ ഉടനീളം 30-ലധികം ടൂർണമെൻ്റുകൾ ഷെഡ്യൂൾ ചെയ്‌തിരിക്കുന്നുണ്ട്. ഇനി കേരളത്തിലെ, പ്രത്യേകിച്ച് മലബാറിലെ വൈകുന്നേരങ്ങൾ ഫുട്ബോളിന്റേതായി മാറും. അൽ മദീന ചെർപ്പുളശ്ശേരി, ഫിഫ മഞ്ചേരി, സൂപ്പർ സ്റ്റുഡിയോ മലപ്പുറം എന്നീ വമ്പന്മാരും അടുത്ത ദിവസങ്ങളിൽ കളത്തിൽ ഇറങ്ങും.
