സൂപ്പർ സ്റ്റുഡിയോ മലപ്പുറം താരം സാമുവലിനെ ക്ലബ് നാട്ടിലേക്ക് തിരിച്ചയക്കും എന്ന് അസോസിയേഷൻ ഔദ്യോഗിക പ്രസ്താവനയിലൂടെ അറിയിച്ചു. കഴിഞ്ഞ ദിവസം എടത്തനാട്ടുകര അഖിലേന്ത്യാ സെവൻസിൽ നടന്ന മത്സരത്തിൽ ഉദയ പറമ്പിൽ പീടിക താരത്തിനെതിരെ ഒരു പ്രകോപനവും ഇല്ലാതെ നടത്തിയ ഫൗൾ വലിയ ചർച്ചയായ സാഹചര്യത്തിലാണ് നടപടി.
വീണു കിടക്കുക ആയിരുന്ന ഉദയ പറമ്പിൽ പീടിക താരത്തിനെ ബൂട്ടു കൊണ്ട് നെഞ്ചിൽ ചവിട്ടിയാണ് സാമുവൽ കടന്നു പോയത്. ഈ വീഡിയോ സാമൂഹിക മാധ്യമങ്ങളിൽ പ്രചരിക്കുകയും ഒപ്പം ഫുട്ബോൾ പ്രേമികൾ താരത്തിനെതിരെ നടപടിക്ക് ആയി ശബ്ദം ഉയർത്തുകയും ചെയ്തതോടെയാണ് നടപടി വന്നത്.
ഔദ്യോഗിക പ്രസ്താവനയുടെ പൂർണ്ണ രൂപം;
സ്നേഹം നിറഞ്ഞ ഓണേഴ്സ് അസിസ്റ്റന്റ് മാനേജേഴ്സ് സുഹൃത്തുക്കളെ,
10-12-2024നു എടത്തനാട്ടുകര SFA ടൂർണ്ണമെന്റിൽ വച്ച് സൂപ്പർ സ്റ്റുഡിയോ ഉദയാ പറമ്പിൽ പീടിക മത്സരത്തിൽ സൂപ്പർ സ്റ്റുഡിയോ ടീം 2-ാം ഗോൾ അടിച്ച് ജയിച്ച് നിൽക്കുന്ന സമയത്ത് ഗ്രൗണ്ടിൽ വീണു കിടക്കുകയായിരുന്ന ഉദയയുടെ കളിക്കാരന്റ മേൽ ബൂട്ടിട്ട കാൽ കൊണ്ട് നെഞ്ചത്ത് ചവിട്ടിയ സൂപ്പറിന്റെ വിദേശ താരമായ സാമുവൽ എന്ന കളിക്കാരൻ മനുഷ്യത്വ പരമല്ലാത്ത നീചമായ പ്രവർത്തി ചെയ്തതായി ബോധ്യപ്പെട്ടിരിക്കുന്നു, ഇത്തരം അക്രമണ കാരികളായ കളിക്കാരെ സംഘടനയ്ക്ക് വെച്ചുപൊറുപ്പിക്കാൻ ഒരിക്കലും സാധിക്കുകയില്ല
ആയതിനാൽ ഈ കളിക്കാരനെ ഇന്നുമുതൽ ഈ സീസണിൽ ടൂർണമെന്റ്കളിൽ കളിപ്പിക്കേണ്ട എന്നും ഉടനെ തന്നെ ആ കളിക്കാരന്റെ നാട്ടിലേക്ക് സൂപ്പർ സ്റ്റുഡിയോയുടെ മാനേജ്മെന്റ്, കയറ്റി അയക്കേണ്ട താണെന്നും തീരുമാനിച്ചിരിക്കുന്നു
എന്ന്ഹബീബ്മാസ്റ്റർ ( പ്രസിഡണ്ട് 🙂
സൂപ്പർഅഷ്റഫ്
ബാവ(ജന:സെക്രട്ട റി)
SM അൻവർ (ട്രഷറർ)
