വമ്പൻ പോരാട്ടത്തിന് ഒടുവിൽ ഇന്ന് റോയൽ ട്രാവൽസ് കോഴിക്കോടിന് വിജയം. ഇന്ന് വലിയാലുക്കൽ അഖിലേന്ത്യാ സെവൻസിൽ നടന്ന മത്സരത്തിൽ അഭിലാഷ് കുപ്പൂത്തിനെയാണ് റോയൽ ട്രാവൽസ് കോഴിക്കോട് തോൽപ്പിച്ചത്. ആറു ഗോളുകൾ പിറന്ന മത്സരത്തിൽ നിശ്ചിത സമയത്ത് വിജയികളെ കണ്ടെത്താൻ ആയില്ല. 3-3 എന്നായിരുന്നു സ്കോർ. തുടർന്ന് കളി പെനാൾട്ടി ഷൂട്ടൗട്ടിൽ എത്തുകയും അവിടെ റോയൽ ട്രാവൽസ് കോഴിക്കോട് വിജയിക്കുകയുമായിരുന്നു. സീസണിൽ ഇത് രണ്ടാം തവണയാണ് റോയൽ ട്രാവൽസ് കോഴിക്കോട് അഭിലാഷിനെ പരാജയപ്പെടുത്തുന്നത്.
നാളെ വലിയാലുക്കൽ സെവൻസിൽ മെഡിഗാഡ് അരീക്കീട് ശാസ്താ മെഡിക്കൽസിനെ നേരിടും.
