Category: Sevens

ലക്കി സോക്കർ ആലുവ അവരുടെ തുടർജയങ്ങൾ തുടരുകയാണ്. ഇന്നലെ ഒതുക്കുങ്ങലിൽ ഉയർത്തിയ ന്യൂകാസിൽ ലക്കി സോക്കർ ആലുവ ഇന്ന് ഇറങ്ങിയത് തളിപ്പറമ്പിന്റെ മൈതാനത്ത് ആയിരുന്നു. തളിപ്പറമ്പിൽ ക്വാർട്ടർ പോരാട്ടത്തിൽ അമിസാദ് സൂപ്പർ സ്റ്റുഡിയോ മലപ്പുറത്തെ നേരിട്ട ലക്കി സോക്കർ ഇന്നും ജയം സ്വന്തമാക്കുക ആയിരുന്നു.

ഒന്നിനെതിരെ രണ്ടു ഗോളുകൾക്ക് ആയിരുന്നു ലക്കി സോക്കറിന്റെ വിജയം. ലക്കി സോക്കർ ആലുവയുടെ തുടർച്ചയായ എട്ടാം ജയമാണിത്. സീസൺ തുടക്കത്തിൽ എടത്തനാട്ടുകരയിൽ സൂപ്പറിനോടേറ്റ പരാജയത്തിന് മറുപടി കൂടിയായി ലക്കി സോക്കറിന്റെ ഇന്നത്തെ പ്രകടനം.

കൊണ്ടോട്ടി അഖിലേന്ത്യാ സെവൻസിൽ ഇന്ന് നടന്ന പോരാട്ടത്തിൽ എ വൈ സി ഉച്ചാരക്കടവ് ടൗൺ എഫ് സി തൃക്കരിപ്പൂരിനെ തോൽപ്പിച്ചു. പെനാൾട്ടി ഷൂട്ടൗട്ടിൽ ആയിരുന്നു എ വൈ സിയുടെ ജയം.

കൂടുതൽ കായിക വാർത്തകൾക്ക് : www.facebook.com/FanportOfficial

തുവ്വൂർ അഖിലേന്ത്യാ സെവൻസിൽ ഇന്ന് നടന്ന പോരാട്ടത്തിൽ റോയൽ ട്രാവൽസ് കോഴിക്കോടിന് ജയം. കോഴിക്കോടിന്റെ തന്നെ ശക്തികളായ കെ ആർ എസ് കോഴിക്കോടിനെയാണ് ഇന്ന് തുവ്വൂരിന്റെ മണ്ണിൽ റോയൽ ട്രാവൽസ് തോൽപ്പിച്ചത്. എതിരില്ലാത്ത ഒരു ഗോളിനാണ് റോയൽ ട്രാവൽസ് ജയിച്ചത്. കുട്ടനാണ് വിജയ ഗോൾ നേടിയത്.

എടക്കര അഖിലേന്ത്യാ സെവൻസിൽ ഉദയ അൽ മിൻഹാൽ വളാഞ്ചേരി മെഡിഗാഡ് അരീക്കോടിനെ തകർത്തു. ഒന്നിനെതിരെ മൂന്നു ഗോളുകൾക്കായിരുന്നു അൽ മിൻഹാലിന്റെ ജയം. സീസണിൽ ഇത് രണ്ടാം തവണയാണ് മെഡിഗാഡിനെ അൽ മിൻഹാൽ തോൽപ്പിക്കുന്നത്.

മഞ്ചേരി അഖിലേന്ത്യാ സെവൻസിന്റെ ഉദ്ഘാടന മത്സരത്തിൽ ലിൻഷാ മെഡിക്കൽസ് മണ്ണാർക്കാട് ജവഹർ മാവൂരിനെ പരാജയപ്പെടുത്തി. ഒന്നിനെതിരെ മൂന്നു ഗോളുകൾക്ക് ആയിരുന്നു ലിൻഷയുടെ ജയം. ഇത് അഞ്ചാം തവണയാണ് ഇരുടീമുകളും ഏറ്റുമുട്ടുന്നത് ഈ‌ സീസണിൽ. ജവഹറിനെതിരെ ലിൻഷയുടെ മൂന്നാം ജയമാണിത്.

മറ്റു മത്സര ഫലങ്ങൾ;

ഇരിക്കൂർ;

എഫ് സി തിരുവനന്തപുരം 0-0 ജയ തൃശ്ശൂർ (തിരുവനന്തപുരം ടോസിൽ ജയിച്ചു)

കുന്നംകുളം;

ജിംഖാന തൃശൂർ 0-4 സ്കൈ ബ്ലൂ

കൊണ്ടോട്ടി;

സബാൻ 1-3 എ വൈ സി

തളിപ്പറമ്പ്;

പറശ്ശിനി ബ്രദേഴ്സ് 3-0 ഹിറ്റാച്ചി

കൂടുതൽ കായിക വാർത്തകൾക്ക് : www.facebook.com/FanportOfficial

ഒതുക്കുങ്ങലിൽ നടക്കുന്ന ക്ലബ് ഫുട്ബോൾ ചാമ്പ്യൻഷിപ്പ് സെവൻസിൽ ലക്കി സോക്കർ ആലുവ ഫൈനൽ ഉറപ്പിച്ചു. ഇന്ന് നടന്ന രണ്ടാം പാദ സെമി ഫൈനലിലും ശാസ്താ മെഡിക്കൽസ് തൃശൂരിനെ തോൽപ്പിച്ചാണ് ലക്കി സോക്കർ ഫൈനൽ ഉറപ്പിച്ചത്. എതിരില്ലാത്ത മൂന്നു ഗോളുകൾക്കായിരുന്നു ഇന്നത്തെ ജയം.

ആദ്യ പാദ സെമിയിൽ ഒന്നിനെതിരെ മൂന്നു ഗോളുകൾക്ക് ലക്കി സോക്കർ വിജയിച്ചിരുന്നു. നാളെ നടക്കുന്ന ഫൈനലിൽ സ്മാക്ക് മീഡിയ സബാൻ കോട്ടക്കൽ ആണ് ലക്കി സോക്കറിന്റെ എതിരാളികൾ. ഉഷാ എഫ് സി തൃശ്ശൂരിനെ തോൽപ്പിച്ചാണ് സബാൻ ഫൈനലിൽ എത്തിയത്.

സബാൻ കോട്ടകലിന്റെ സീസണിലെ രണ്ടാം ഫൈനലാണിത്. കൊപ്പം അഖിലേന്ത്യാ സെവൻസിൽ കഴിഞ്ഞ ആഴ്ച സബാൻ കിരീടം ഉയർത്തിയിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial