ഉച്ചയ്ക്ക് കല്യാണ ചെക്കൻ, രാത്രി ഫിഫയുടെ ജേഴ്സിയിൽ സെവൻസ് മൈതാനത്ത്

0
ഉച്ചയ്ക്ക് കല്യാണ ചെക്കൻ, രാത്രി ഫിഫയുടെ ജേഴ്സിയിൽ സെവൻസ് മൈതാനത്ത്

വണ്ടൂരിലെ ഇന്നത്തെ സെവൻസ് മത്സരത്തിൽ താരമായത് ഫിഫാ മഞ്ചേരി താരം റിസുവാൻ ആയിരുന്നു. ഇന്ന് ഉഷാ തൃശ്ശൂരിനെതിരെ ഫിഫാ മഞ്ചേരി വിജയം ഉറപ്പിക്കുമ്പോൾ റിസുവാനും കളത്തിൽ ഉണ്ടായിരുന്നു‌. ഇന്ന് ഉച്ചയ്ക്ക് കല്യാണ പന്തലിൽ വരന്റെ റോളിൽ ആയിരുന്നു ഇതേ റിസ്വാൻ. ആ കല്യാണ ചെക്കൻ ആണ് മണിക്കൂറുകൾക്ക് മുന്നെ ഫുട്ബോൾ കളത്തിൽ എത്തിയത്.

ഫിഫാ മഞ്ചേരിയുടെ ഈ അഭിമാന താരത്തിന് ഇന്നത്തെ മത്സരം അത്ര നിർണായകായിരുന്നു. വണ്ടൂരിൽ കരുത്തരായ ഉഷാ എഫ് സിക്ക് എതിരെയുള്ള സെമി ഫൈനൽ പോരായിരുന്നു ഇന്ന്. മത്സരം 1-0 എന്ന സ്കോറിന് ഫിഫാ മഞ്ചേരി വിജയിച്ചു. ഈ സീസണിൽ അത്ര നല്ല ഫോമിൽ അല്ലാത്ത തന്റെ ടീമിന് ഈ മത്സരം എത്ര വലുതാണ് എന്ന് ബോധമുള്ളത് കൊണ്ടാണ് കല്യാണവും മറന്ന് റിസുവാൻ ഗ്രൗണ്ടിൽ എത്തിയത്.

ഫുട്ബോളിനായുള്ള താരത്തിന്റെ സമർപ്പണം സെവൻസ് ഫുട്ബോൾ ലോകത്തിന്റെ ആകെ കയ്യടി നേടുക ആണിപ്പോൾ.