എടക്കരയിൽ ഏകപക്ഷീയ ജയത്തോടെ ഫിഫാ മഞ്ചേരി

എടക്കര അഖിലേന്ത്യാ സെവൻസിൽ ഫിഫാ മഞ്ചേരിക്ക് ഏകപക്ഷീയമായ ജയം. ടൗൺ ടീം അരീക്കോടിനെ നേരിട്ട ഫിഫാ മഞ്ചേരി എതിരില്ലാത്ത രണ്ടു ഗോളുകൾക്കാണ് ഇന്ന് വിജയിച്ചത്. ഗോളുമായി ഫ്രാൻസിസ് ഇന്ന് ഫിഫയ്ക്കായി തിളങ്ങി. സീസണിൽ ഇത് അഞ്ചാം തവണയാണ് ഇരുടീമുകളും നേർക്കുനേർ വരുന്നത്. അതിൽ ഇന്നത്തേതടക്കം നാലു തവണയും ജയം ഫിഫയ്ക്കായിരുന്നു.

ഇരിക്കൂർ അഖിലേന്ത്യാ സെവൻസിൽ ഇന്ന് നടന്ന പോരാട്ടത്തിൽ അൽ മദീന ചെർപ്പുള്ളശ്ശേരി പരാജയപ്പെട്ടു. എഫ് സി തൃക്കരിപ്പൂർ ആണ് അൽ മദീന ചെർപ്പുള്ളശ്ശേരിയെ തോൽപ്പിച്ചത്. എതിരില്ലാത്ത ഒരു ഗോളിനായിരുന്നു ടൗൺ എഫ് സി തൃക്കരിപ്പൂരിന്റെ ജയം.