സെവൻസ് ഫുട്ബോളിൽ ഒരു മത്സരത്തിൽ തന്നെ ഏഴു ഗോളടിച്ചു കയറ്റുക അത്ര എളുപ്പമുള്ള കാര്യമല്ല. എന്നാൽ ഇന്ന് അഭിലാഷ് കുപ്പൂത്ത് അത് ചെയ്തു. ഇരിക്കൂർ അഖിലേന്ത്യാ സെവൻസിലെ അറുപത് മിനുട്ടിനിടെ ഏഴു ഗോൾ ആണ് അഭിലാഷ് കുപ്പൂത്ത് ഇന്ന് അടിച്ച് കയറ്റിയത്. ആ ഗോളുകൾ എല്ലാം ഏറ്റുവാങ്ങിയത് ലക്കി സോക്കർ ആലുവയുടെ ഗോൾവലയും.
മത്സരം ഒന്നിനെതിരെ ഏഴു ഗോളുകൾക്ക് അഭിലാഷ് കുപ്പൂത്ത് ഇന്ന് വിജയിച്ചു. അഭിലാഷിന് ഇത് ഏഴു ഗോളടിക്കുന്ന ആദ്യ സംഭവമല്ല. കഴിഞ്ഞ സീസണിൽ വളപ്പട്ടണത്ത് നടന്ന പോരാട്ടത്തിൽ ഷൂട്ടേഴ്സ് പടന്നയ്ക്കെതിരെ 7-5ന്റെ വിജയം അഭിലാഷ് നേടിയിരുന്നു. ഈ സീസണിൽ രണ്ട് മത്സരങ്ങൾക്ക് മുമ്പ് മെഡിഗാഡിനെതിരെ അഞ്ച് ഗോളുകളും അഭിലാഷ് അടിച്ചിരുന്നു.
നാളെ ഇരിക്കൂറിൽ ഉഷാ തൃശ്ശൂർ ജവഹർ മാവൂരിനെ നേരിടും.
