ഒസിമെൻ നാപോളിയിൽ കരാർ പുതുക്കും എന്ന് സ്കൈ സ്പോർട്സ് റിപ്പോർട്ട് ചെയ്യുന്നു. സ്ട്രൈക്കറുടെ നിലവിലെ കരാർ അടുത്ത സീസണിന്റെ അവസാനത്തോടെ അവസാനിക്കാൻ ഇരിക്കെ ആണ് പുതിയ കരാർ ഒപ്പുവെക്കുന്നു. 2026-ലേക്ക് നീട്ടുന്ന കരാർ ആകും ഒസിമൻ ഒപ്പുവെക്കുക. കൂടാതെ 130 മില്യന്റെ ഒരു റിലീസ് ക്ലോസ് ഉൾപ്പെടുത്താനും നാപോളി തീരുമാനിച്ചു.
ഈ സീസണിൽ 11 സീരി എ ഗെയിമുകളിൽ നിന്ന് ഒസിമെൻ ആറ് ഗോളുകൾ നേടിയിട്ടുണ്ട്. കഴിഞ്ഞ സമ്മറിൽ പല ടീമുകളും ഒസിമനായി രംഗത്ത് വന്നു എങ്കിൽ നാപോളി വലിയ തുക ചോദിച്ചത് കൊണ്ട് ട്രാൻസ്ഫറുകൾ നടന്നിരുന്നില്ല. ഈ ജനുവരിയിൽ ടീമുകൾ ഒസിമനായി രംഗത്ത് വരാൻ സാധ്യത കാണുന്നു.
ലില്ലെയിൽ നിന്ന് 2020ൽ ആണ് ഒസിമെൻ നാപ്പോളിയിൽ എത്തിയത്. അന്ന് €70 മില്യണോളം താരത്തിനായി നാപോളി ചിലവഴിച്ചിരുന്നു.