ഇറ്റാലിയൻ സീരി എയിൽ ഒന്നാം സ്ഥാനത്ത് തുടർന്നു അറ്റലാന്റ. 17 മത്സരങ്ങൾക്ക് ശേഷം രണ്ടാം സ്ഥാനത്തുള്ള നാപോളിയെക്കാൾ 2 പോയിന്റുകൾ മുന്നിൽ ആണ് അവർ ഇപ്പോൾ. ഇന്ന് എമ്പോളിയെ ആദ്യം ഗോൾ വഴങ്ങിയ ശേഷം തിരിച്ചു വന്നു ജയിച്ചു ആണ് അറ്റലാന്റ കരുത്ത് കാട്ടിയത്. 13 മത്തെ മിനിറ്റിൽ ലോറൻസോ കൊളൊമ്പോയുടെ ഗോളിൽ അറ്റലാന്റ പിറകിൽ പോയി.
എന്നാൽ 34 മത്തെ മിനിറ്റിൽ സപകോസ്റ്റയുടെ പാസിൽ നിന്നു ചാൾസ് ഡി കെറ്റലാരെ അറ്റലാന്റയെ മത്സരത്തിൽ ഒപ്പം എത്തിച്ചു. തുടർന്ന് ആദ്യ പകുതിക്ക് തൊട്ടു മുമ്പ് സനിയോളയുടെ പാസിൽ നിന്നു ഗോൾ നേടിയ ലുക്മാൻ അറ്റലാന്റയെ മത്സരത്തിൽ മുന്നിൽ എത്തിച്ചു. രണ്ടാം പകുതിയിൽ എസ്പോസിറ്റോയുടെ പെനാൽട്ടിയിലൂടെ എതിരാളികൾ ഒപ്പം എത്തിയെങ്കിലും 86 മത്തെ മിനിറ്റിൽ പാസാലിചിന്റെ പാസിൽ നിന്നു തന്റെ രണ്ടാം ഗോൾ നേടിയ ചാൾസ് ഡി കെറ്റലാരെ അറ്റലാന്റക്ക് വിലപ്പെട്ട ജയം സമ്മാനിച്ചു.