മലപ്പുറം കോട്ടപ്പടി സ്റ്റേഡിയത്തിൽ നടക്കുന്ന 59അമത് സംസ്ഥാന സീനിയർ ഫുട്ബോൾ ചാമ്പ്യൻഷിപ്പിൽ കണ്ണൂർ സെമിയിൽ എത്തി. ഇന്ന് രാവിലെ നടന്ന മത്സരത്തിൽ കാസർകോഡിനെ ഒന്നിനെതിരെ രണ്ടു ഗോളുകൾക്ക് തോൽപ്പിക്കാൻ കണ്ണൂരിനായി. രണ്ടാം പകുതിയിൽ ആയിരുന്നു ഗോളുകൾ എല്ലാം വന്നത്. 47ആം മിനുട്ടിൽ ആദിൽ അബ്ദുള്ള കണ്ണൂരിന് ലീഡ് നൽകി.
69 ആം മിനിറ്റിൽ ജ്യോതിഷിലൂടെ കാസർകോഡ് സമനില കണ്ടെത്തിയതോടെ കളി ആവേശകരമായി മാറി. എന്നാൽ 72 ആം മിനിറ്റിൽ രണ്ടാം മഞ്ഞ കാർഡ് വാങ്ങി ജ്യോതിഷിന് കളം വിട്ടതോടെ കാസർഗോഡ് 10 പേരായി ചുരുങ്ങി. ഇത് കാര്യങ്ങൾ കണ്ണൂരിന് അനുകൂലമാക്കി. 81 ആം മിനിറ്റിൽ കണ്ണൂരിന് ഒരു പെനാൾട്ടി കൂടെ ലഭിച്ചു. പെനാൽറ്റി കൃഷ്ണ രാജ് ലക്ഷ്യത്തിൽ എത്തിച്ച് കണ്ണൂരിനെ സെമിയിലേക്ക് എത്തിച്ചു.
