എസി മിലാൻ അർജൻ്റീന ദേശീയ ടീം കോച്ച് ലയണൽ സ്കലോണിയെ അവരുടെ പുതിയ പരിശീലകനാകാൻ ബന്ധപ്പെട്ടതായി ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നു. ഇപ്പോൾ 2024 കോപ്പ അമേരിക്കയിൽ അർജന്റീനയെ നയിക്കാൻ ഒരുങ്ങുകയാണ് ലയണൽ സ്കലോണി. അദ്ദേഹം കോപ അമേരിക്കയ്ക്ക് ശേഷം അർജൻ്റീന ദേശീയ ടീമിനൊപ്പം തുടരുമോ എന്നത് ഇപ്പോഴും വ്യക്തമല്ല.
ഈ സാഹചര്യത്തിലാണ് എ സി മിലാന്റെ നീക്കം. സ്കലോണി അടുത്ത ലോകകപ്പ് വരെ ടീമിന്റെ പരിശീലകനായി തുടരണം എന്നാണ് അർജന്റീന ഫുട്ബോൾ പ്രേമികൾ ആഗ്രഹിക്കുന്നത്‌. ഇറ്റലിയിലെ ലാ ഗസറ്റ ഡെല്ലോ സ്‌പോർട്ടിലെ ലൂക്കാ ബിയാഞ്ചിൻ പറയുന്നതനുസരിച്ച്, എസി മിലാൻ തങ്ങളുടെ പുതിയ പരിശീലകനാകാൻ സ്‌കലോനിയെ കഴിഞ്ഞ ദിവസങ്ങളിൽ ബന്ധപ്പെട്ടു. എന്നാൽ ഔപചാരികമായ ഒരു കൂടിക്കാഴ്ചയും നടന്നിട്ടില്ല.
എ സി മിലാൻ പിയോളിക്ക് പകരക്കാരനെ അന്വേഷിക്കുകയാണ് ഇപ്പോൾ. മുൻ റോമ കോച്ച് ഫൊൻസെകയുമായി അവർ ചർച്ചകൾ നടത്തുന്നുണ്ട്.
