ആറ് തവണ ചാമ്പ്യൻമാരായ സർവീസസ് ഒരിക്കൽ കൂടെ സന്തോഷ് ട്രോഫി ഫൈനലിൽ എത്തി. സുവർണ ജൂബിലി സ്റ്റേഡിയത്തിൽ നടന്ന ആദ്യ സെമിയിൽ മിസോറാമിനെ ഒന്നിനെതിരെ രണ്ടു ഗോളുകൾക്ക് തോൽപ്പിച്ച് ആണ് സർവീസസ് ഫൈനലിൽ എത്തിയത്.
88-ാം മിനിറ്റിൽ ചുവപ്പ് കാർഡ് കിട്ടി 10 പേരായി ചുരുങ്ങിയെങ്കിലും ജയം നേടാൻ സർവീസസിനായി. രാഹുൽ രാമകൃഷ്ണൻ്റെയും (21’) ബികാഷ് ഥാപ്പയുടെയും (83’) ഗോളുകളാണ് സർവീസസിന് കരുത്തായത്. മൽസാംഫെല (90+3’) ആണ് മിസോറാമിനായി ഏക ഗോൾ നേടിയത്. ഇത് 12-ാം തവണയാണ് സർവീസസ് സന്തോഷ് ട്രോഫിയുടെ ഫൈനലിലെത്തുന്നത്.
രണ്ടാം സെമിയിൽ മണിപ്പൂർ ഗോവയെ നേരിടും.
