സന്തോഷ് ട്രോഫിയിൽ കേരളത്തിന് തുടർച്ചയായ രണ്ടാം വിജയം. ഇന്ന് ഫൈനൽ റൗണ്ടിലെ രണ്ടാം മത്സരത്തിൽ മേഘാലയയെ നേരിട്ട കേരളം എതിരില്ലാത്ത ഒരു ഗോളിന് വിജയിച്ചു. ആദ്യ മത്സരത്തിൽ കേരളം ഗോവയെയും തോൽപ്പിച്ചിരുന്നു.
ഗോവയ്ക്ക് എതിരെ ഉണ്ടായത് പോലെ അറ്റാക്കിങ് മത്സരമല്ല ഇന്ന് കണ്ടത്. ആദ്യ പകുതിയിൽ 36ആം മിനുട്ടിൽ മുഹമ്മദ് അജ്സലിന്റെ സ്ട്രൈക്കാണ് കേരളത്തിന് ലീഡ് നൽകിയത്. പെനാൾറ്റി ബോക്സിന് പുറത്ത് നിന്ന് അജ്സൽ തൊടുത്ത പവർഫുൾ ഷോട്ട് വലയിൽ പതിക്കുകയായിരുന്നു. ആദ്യ മത്സരത്തിൽ അജ്സൽ ഒരു ഗോളും രണ്ട് അസിസ്റ്റും നേടിയിരുന്നു.
ഇനി 19ആം തീയതി ഒഡീഷക്ക് എതിരെയാണ് കേരളത്തിന്റെ മത്സരം.
