സന്തോഷ് ട്രോഫി യോഗ്യത റൗണ്ടിൽ ഗ്രൂപ്പ് എഫിൽ നടന്ന തങ്ങളുടെ ആദ്യ മത്സരത്തിൽ തെലുങ്കാനയെ ഗോൾ രഹിത സമനിലയിൽ തളച്ചു ലക്ഷദ്വീപ്. മഹാരാഷ്ട്രയിലെ ഛത്രപതി ഷാഹു സ്റ്റേഡിയത്തിൽ നടന്ന മത്സരത്തിൽ ഇരു ടീമുകൾക്കും ഗോൾ കണ്ടത്താൻ ആയില്ല. മികച്ച രീതിയിൽ കളിച്ച ലക്ഷദ്വീപ് തങ്ങളുടെ പോരാട്ടവീര്യം ആദ്യ മത്സരത്തിൽ തന്നെ പുറത്ത് എടുത്തു.
മഹാരാഷ്ട്ര, ത്രിപുര, ആന്ധ്രാ പ്രദേശ്, അന്തമാൻ നിക്കോബാർ എന്നിവർ ആണ് ഗ്രൂപ്പിലെ മറ്റു ടീമുകൾ. മറ്റന്നാൾ കരുത്തരായ മഹാരാഷ്ട്രയാണ് ലക്ഷദ്വീപിന്റെ അടുത്ത കളിയിലെ എതിരാളികൾ. നേരത്തെ സന്തോഷ് ട്രോഫിൽ മുഖാമുഖം വന്നപ്പോൾ മഹാരാഷ്ട്ര ലക്ഷദ്വീപിനെ വലിയ സ്കോറിന് തോൽപ്പിച്ചിരുന്നു. കരുത്തർ അടങ്ങിയ ഗ്രൂപ്പിൽ തങ്ങളുടെ മികവും പോരാട്ട വീര്യവും പുറത്ത് എടുക്കാൻ തന്നെയാവും ദ്വീപിലെ കളിക്കാർ ഇറങ്ങുക.
