സന്തോഷ് ട്രോഫിയിൽ കേരളത്തിന് വിജയ തുടക്കം. ഇന്ന് കോഴിക്കോട് നടന്ന ആദ്യ ഗ്രൂപ്പ് മത്സരത്തിൽ കേരളം ശക്തരായ റെയിൽവേസിനെ പരാജയപ്പെടുത്തി. മറുപടിയില്ലാത്ത ഒരു ഗോളിനായിരുന്നു കേരളത്തിന്റെ വിജയം.
ഇന്ന് ആദ്യ പകുതിയിൽ ഗോൾ ഒന്നും പിറന്നിരുന്നില്ല. റെയിൽവേയുടെ ആക്രമണങ്ങൾ കേരളത്തിന് ആശങ്ക നൽകുകയും ചെയ്തു. രണ്ടാം പകുതിയിൽ അവസാന നിമിഷങ്ങളിൽ അജ്സലിലൂടെ കേരളം ലീഡ് എടുത്തു. നിജോ ഗിൽബേർട്ടിന്റെ അസിസ്റ്റിൽ നിന്നായിരിന്നു ഈ ഗോൾ.
വെള്ളിയാഴ്ച നടക്കുന്ന രണ്ടാം മത്സരത്തിൽ കേരളം ലക്ഷദ്വീപിനെ നേരിടും.
