സന്ദേശ് ജിങ്കന് പരിക്ക് മാറാൻ ശസ്ത്രക്രിയ വേണ്ടി വരും. താരം ദീർഘകാലം പുറത്തിരിക്കും എന്നാണ് പുതിയ റിപ്പോർട്ടുകൾ. എ സി എൽ ഇഞ്ച്വറിയാണ്. അതുകൊണ്ട് തന്നെ ശസ്ത്രക്രിയ വേണ്ടി വരും. ചുരുങ്ങിയത് ആറ് മാസം എങ്കിലും ജിങ്കൻ കളം വിട്ടു നിൽക്കേണ്ടു വരും. എഎഫ്സി ഏഷ്യൻ കപ്പിൽ ഇന്ത്യക്ക് ആയി കളിക്കുന്നതിന് ഇടയിൽ ആണ് ഡിഫൻഡർ സന്ദേശ് ജിങ്കന് പരിക്കേറ്റത്.
എഫ് സി ഗോവയ്ക്കായി കളിക്കുന്ന താരത്തിന്റെ അഭാവം ഇതിനകം തന്നെ ഗോവക്ക് തിരിച്ചടിയായിട്ടുണ്ട്. ജിങ്കന്റെ അഭാവത്തിൽ ഗോവ പോയിന്റ് നഷ്ടപ്പെടുത്തുന്നതാണ് അവസാന ആഴ്ചകളിൽ കണ്ടത്. ഈ സീസണിൽ 10 ഐ എസ് എൽ മത്സരങ്ങൾ കളിച്ച ജിങ്കൻ 6 ക്ലീൻ ഷീറ്റ് സ്വന്തമാക്കിയിരുന്നു. ജിങ്കന് ഇന്ത്യയുടെ വരാനിരിക്കുന്ന നിർണായക മത്സരങ്ങളും നഷ്ടമാകും.
