സ്റ്റാർ ഫോർവേഡ് മുഹമ്മദ് സലായും പ്രതിരോധ താരമായ വിർജിൽ വാൻ ഡൈകും ലിവർപൂൾ ക്ലബ്ബുമായി കരാർ വിപുലീകരണത്തിൽ ഒപ്പുവെക്കാൻ അടുത്തിരിക്കുന്നതായി വാർത്തകൾ . ജേണലിസ്റ്റ് ഡേവിഡ് ഓൺസ്റ്റൈൻ പറയുന്നതനുസരിച്ച്, രണ്ട് കളിക്കാരും രണ്ട് വർഷത്തേക്കുള്ള പുതിയ കരാർ ഒപ്പുവെക്കും എന്ന് പ്രതീക്ഷിക്കുന്നു.
ഇത് അവരുടെ നിലവിലെ ഡീലുകൾക്കപ്പുറം ആൻഫീൽഡിൽ അവരുടെ സാന്നിധ്യം ഉറപ്പാക്കുന്നു. ആഭ്യന്തര, യൂറോപ്യൻ മത്സരങ്ങളിൽ മികച്ച വിജയം നേടുന്ന ലിവർപൂളിന്റെ ഏക ആശങ്ക ഈ താരങ്ങളുടെ കരാർ ആയിരുന്നു. സലായും വാൻ ഡൈകും തുടരുമെന്നത് ലിവർപൂൾ ആരാധാകരുടെ ആശങ്കകൾ അവസാനിപ്പിക്കും.
ഈ സീസണിൽ പ്രീമിയർ ലീഗിൽ അസിസ്റ്റിലും ഗോളിലും ഒന്നാമത് നിൽക്കുകയാണ് മൊ സലാ.
