ഇന്ത്യ സാഫ് അണ്ടർ 20 ചാമ്പ്യൻഷിപ്പ് സെമി ഫൈനലിൽ എത്തി. ഇന്ന് മാൽഡീവ്സിനെ എതിരില്ലാത്ത ഒരു ഗോളിന് തോൽപ്പിക്കാൻ ഇന്ത്യൻ ടീമിനായി. 95ആം മിനിറ്റിലെ വിജയ ഗോളിലായിരുന്നു ഇന്ത്യ ഇന്ന് വിജയിച്ചത്. മംഗ്ലെന്താങ് കിപ്ഗൻ്റെ ഇടം കാൽ ലോംഗ് റേഞ്ച് സ്ട്രൈക്കിൽ ആണ് ഇന്ത്യ വിജയിച്ചത്.
തിങ്കളാഴ്ച നടന്ന ആദ്യ മത്സരത്തിൽ ഭൂട്ടാനെ 1-0 ന് തോൽപ്പിച്ച ഇന്ത്യ, ടേബിൾ ടോപ്പർമാരായി ഗ്രൂപ്പ് ബിയിൽ ഫിനിഷ് ചെയ്തു. ആഗസ്ത് 26 തിങ്കളാഴ്ച 14:45 IST-ക്ക് നടക്കുന്ന സെമി ഫൈനലിൽ ഗ്രൂപ്പ് എ റണ്ണേഴ്സ് അപ്പായ ബംഗ്ലാദേശിനെ ആകും ഇന്ത്യ്ക്ക് നേരിടുക.
