റൊണാൾഡോ കളികത്തിരുന്നതിന്റെ പേരിൽ സൗത്ത് കൊറിയയിലെ ആരാധകർക്ക് നഷ്ടപരിഹാരം നൽകാൻ കോടതി ഉത്തരവ്. പ്രീ സീസൺ സൗഹൃദ മത്സരത്തിൽ റൊണാൾഡോ കളിക്കുമെന്ന് പറഞ്ഞു ടിക്കറ്റ് വിറ്റെങ്കിലും കളിയിൽ താരം 90 മിനുട്ടും ബെഞ്ചിൽ തന്നെ ഇരുന്നതോടെയാണ് 2 പേർ കോടതിയെ സമീപിച്ചത്.
കഴിഞ്ഞ ജൂലൈ മാസത്തിൽ നടന്ന യുവന്റസ്- കെ ലീഗ് ഓൾ സ്റ്റാർ മത്സരത്തിൽ റൊണാൾഡോയുടെ കളി പ്രതീക്ഷിച്ചു 65000 പേരാണ് ടിക്കറ്റ് എടുത്ത് എത്തിയത്. പക്ഷെ റൊണാൾഡോ കളിയിൽ ഒരു മിനുട്ട് പോലും കളിചില്ല. താരം ചുരുങ്ങിയത് 45 മിനുട്ട് എങ്കിലും കളിക്കും എന്നായിരുന്നു സംഘാടകർ പ്രചരിപ്പിച്ചത്. ഇതോടെ 2 പേര് കോടതിയെ സമീപിച്ചതോടെ 240 പൗണ്ട് ഇരുവർക്കും നഷ്ടപരിഹാരം നൽകാൻ കോടതി ഉത്തരവിടുകയായിരുന്നു. മറ്റു 87 പേരുടെ പരാതികളും നിലവിൽ കോടതിയുടെ പരിഗണനയിൽ ഉണ്ട്.
