ചെൽസി ഫുൾബാക്ക് റീസ് ജെയിംസിനെ ബാഴ്സലോണ സ്വന്തമാക്കും എന്നുള്ള അഭ്യൂഹങ്ങൾ ശരിയല്ല എന്ന് ഫബ്രിസിയോ റൊമാനോ. ചെൽസി റീസ് ജെയിംസിനെ ആർക്കും വിട്ടു കൊടുക്കില്ല എന്ന് ഉറപ്പാണ്. ചെൽസി അവരുടെ ഏറ്റവും പ്രധാനപ്പെട്ട താരമായാണ് ജെയിംസിനെ കാണുന്നത്. കഴിഞ്ഞ വർഷമായിരുന്നു റീസ് ജെയിംസ് ചെൽസിയിൽ പുതിയ കരാർ ഒപ്പുവെച്ചത്.
2028വരെയുള്ള കരാർ ആണ് താരത്തിന് ലണ്ടൺ ക്ലബിൽ ഉണ്ട്. രണ്ട് സീസൺ മുമ്പ് മാത്രമാണ് റീസ് ജെയിംസ് ചെൽസി സ്ക്വാഡിന്റെ ഭാഗമായി തുടങ്ങിയത്. 22കാരനായ താരം ആറാം വയസ്സ് മുതൽ ചെൽസിക്ക് ഒപ്പം ഉണ്ട്.
ചെൽസിക്ക് ആയി 150ൽ അധികം മത്സരങ്ങൾ ഇതിനകം തന്നെ റീസ് ജെയിംസ് കളിച്ചിട്ടുണ്ട്. 2018-19 സീസണിൽ റീസ് ജെയിംസ് വിഗനിൽ ലോണിലും കളിച്ചിരുന്നു. ഇംഗ്ലണ്ട് ദേശീയ ടീമിലെയും സ്ഥിര സാന്നിദ്ധ്യമാണ് ഇപ്പോൾ റീസ് ജെയിംസ്.
റീസ് ജെയിംസിനു പിന്നാലെ മേസൺ മൗണ്ടും ചെൽസിയിൽ 2028വരെയുള്ള കരാർ ഒപ്പുവെക്കും എന്നാണ് പ്രതീക്ഷിക്കപ്പെടുന്നത്.
