ലാലിഗ കിരീട പോരാട്ടത്തിൽ റയൽ മാഡ്രിഡിന് തിരിച്ചടി. അവർ ഇന്ന് ലീഗിൽ റയൽ ബെറ്റിസിനോട് പരാജയപ്പെട്ടു. ബെറ്റിസിന്റെ ഹോം ഗ്രൗണ്ടിൽ നടന്ന മത്സരത്തിൽ 2-1ന് ആയിരുന്നു റയലിന്റെ തോൽവി. തുടക്കത്തിൽ ഒരു ഗോളിന്റെ ലീഡ് എടുത്ത ശേഷമായിരുന്നു തോൽവി.
ഇന്ന് പത്താം മിനുറ്റിൽ ബ്രാഹിം ഡിയസിലൂടെ ആണ് റയൽ മാഡ്രിഡ് ലീഡ് എടുത്തത്. ഈ ഗോളിന് 34ആം മിനുറ്റിൽ ഒരു കോർണറിൽ നിന്ന് ബെറ്റിസ് മറുപടി നൽകി. ഇസ്കോ എടുത്ത കോർണറിൽ നിന്ന് ജോണി കോദ്ദോസോ പന്ത് വലയിൽ എത്തിച്ചു. സ്കോർ 1-1.
രണ്ടാം പകുതിയുടെ തുടക്കത്തിൽ ലഭിച്ച പെനാൽറ്റി ലക്ഷ്യത്തിൽ എത്തിച്ച് ഇസ്കോ ബെറ്റിസിനെ മുന്നിൽ എത്തിച്ചു. റയൽ മാഡ്രിഡ് ഇതിനു ശേഷം സമനിലക്ക് ആയി ശ്രമിച്ചെങ്കിലും അവരുടെ രണ്ടാം ഗോൾ വന്നില്ല.
ഈ പരാജയത്തോടെ റയൽ മാഡ്രിഡ് 26 മത്സരങ്ങളിൽ നിന്ന് 54 പോയിന്റിൽ നിൽക്കുന്നു. ഒരു മത്സരം കുറവ് കളിച്ച ബാഴ്സലോണ 54 പോയിന്റുമായി റയലിന് മുന്നിൽ ഉണ്ട്.
