ജൂൺ 2, 2025 – ഇറ്റലിയിൽ നിന്നുള്ള റിപ്പോർട്ടുകൾ അനുസരിച്ച്, മാഞ്ചസ്റ്റർ യുണൈറ്റഡിൻ്റെ സ്ട്രൈക്കർ റാസ്മസ് ഹോയ്‌ലുണ്ടിനെ ഈ സമ്മറിൽ സീരി എയിലേക്ക് തിരികെ കൊണ്ടുവരാൻ ഇന്റർ മിലാൻ ശ്രമം നടത്തുകയാണ്. താരത്തെ ലോണിൽ ടീമിലെത്തിക്കാനാണ് ക്ലബ്ബ് പ്രധാനമായും ലക്ഷ്യമിടുന്നത്.
2023ൽ അറ്റലാന്റയിൽ നിന്ന് 75 ദശലക്ഷം യൂറോയും 10 ദശലക്ഷം യൂറോയുടെ ബോണസുകളും നൽകി മാഞ്ചസ്റ്റർ യുണൈറ്റഡ് സ്വന്തമാക്കിയ ഡാനിഷ് സ്ട്രൈക്കർ ഹോയ്‌ലുണ്ടിന് യുണൈറ്റഡിൽ ഇതുവരെ ഫോം കണ്ടെത്താൻ ആയിട്ടില്ല. യുവൻ്റസും നാപ്പോളിയും താരത്തിൽ താൽപര്യം കാണിച്ചിട്ടുണ്ടെങ്കിലും, ഇന്ററാണ് ഇപ്പോൾ മുൻപന്തിൽ.
ജോക്വിൻ കൊറിയ, മാർക്കോ അർണൗട്ടോവിച്ച് എന്നിവരുടെ കരാറുകൾ അവസാനിക്കാനിരിക്കെയും മെഹ്ദി ടാരെമി ക്ലബ്ബ് വിടുമെന്ന റിപ്പോർട്ടുകൾക്കിടയിലുമാണ് ഇന്റർ ആക്രമണം ശക്തിപ്പെടുത്താൻ നോക്കുന്നത്. ലൗട്ടാരോ മാർട്ടിനെസും മാർക്കസ് തുറാമും സിമോൺ ഇൻസാഗിയുടെ ആദ്യ ചോയ്സ് മുന്നേറ്റ നിരയാണെങ്കിലും, സ്ക്വാഡ് ഡെപ്ത് കൂട്ടാൻ അവർ ആഗ്രഹിക്കുന്നു.
