മാഞ്ചസ്റ്റർ യുണൈറ്റഡ് താരം മാർക്കസ് റാഷ്ഫോർഡ് കാറപകടത്തിൽ പെട്ടു. ഇന്നലെ ബേർൺലിക്ക് എതിരായ മത്സരം കഴിഞ്ഞ് യുണൈറ്റഡിന്റെ കാരിംഗ്ടൺ പരിശീലന ഗ്രൗണ്ടിൽ എത്തിയ റാഷ്ഫോർഡ് അവിടെ നിന്ന് മടങ്ങുമ്പോൾ ആണ് അപകടത്തുൽ പെട്ടത്. 25കാരനായ റാഷ്ഫോർഡിന്റെ കാർ മറ്റൊരു കാറുമായി കൂട്ടിയിടിച്ചതായാണ് റിപ്പോർട്ട്.
റാഷ്ഫോർഡിന്റെ വെളുത്ത റോൾസ് റോയ്‌സ് അപകടത്തിൽ പെട്ട ചിത്രം സോഷ്യൽ മീഡിയയിൽ ചിത്രം പ്രചരിക്കുന്നുണ്ട്. ദി സൺ റിപ്പോർട്ട് ചെയ്തതനുസരിച്ച്, പോലീസ് സംഭവസ്ഥലത്ത് എത്തിയെങ്കിലും ആർക്കും പരിക്ക് ഇല്ലാത്തതിനാൽ ആശുപത്രിയിൽ പോകേണ്ടി വന്നില്ല.
