റൗണ്ട് ഗ്ലാസ് പഞ്ചാബ് എഫ് സി ഐ എസ് എല്ലിലേക്ക് പ്രൊമോഷൻ നേടുന്ന ആദ്യ ടീമാകാൻ പോകുന്നു. ഇന്ന് അവർ ചർച്ചിൽ ബ്രദേഴ്സിനെ കൂടെ തോൽപ്പിച്ചതോടെ അവർക്ക് ഇനി ഐ ലീഗ് കിരീടം സ്വന്തമാക്കാൻ വെറും 2 പോയിന്റ് മാത്രം മതി. ഇന്ന് ചർച്ചിൽ ബ്രദേഴ്സിനെ ഒന്നിനെതിരെ മൂന്ന് ഗോളുകൾക്ക് ആണ് പഞ്ചാബ് പരാജയപ്പെടുത്തിയത്. 27ആം മിനുട്ടിൽ ലൂകയിലൂടെ ആണ് പഞ്ചാബ് ഗോളടി തുടങ്ങിയത്.
55ആം മിനുട്ടിൽ ചെഞ്ചോ ലീഡ് ഇരട്ടിയാക്കി. 79ആം മിനുട്ടിൽ ഹുവാനിലൂടെ പഞ്ചാബ് മൂന്നാം ഗോളും നേടി വിജയം ഉറപ്പിച്ചു. ചാവേസിലൂടെ ഒരു ഗോൾ ചർച്ചിൽ മടക്കി എങ്കിലും അത് ആശ്വാസ ഗോളായി മാറി. ഈ വിജയത്തോടെ പഞ്ചാബിന് 20 മത്സരങ്ങളിൽ നിന്ന് 46 പോയിന്റ് ആയി. 41 പോയിന്റുള്ള ശ്രീനിധി ആണ് രണ്ടാമത്. അവർ ഇനി ശേഷിക്കുന്ന രണ്ട് മത്സരങ്ങൾ ജയിച്ചാലും 47 പോയിന്റിൽ മാത്രമെ എത്തൂ. ഇനി ശനിയാഴ്ച രാജസ്ഥാൻ യുണൈറ്റഡിന് എതിരെ ആണ് പഞ്ചാബ് എഫ് സിയുടെ മത്സരം.
