പ്രീമിയർ ലീഗ് പോരാട്ടങ്ങളിൽ സെൽഫ് ഗോളുകളുടെ കാര്യത്തിൽ ഉള്ള സ്വന്തം റെക്കോർഡിന് ഒപ്പമെത്തിയിരിക്കുകയാണ് ടോട്ടൻഹാം ഹോട്സ്പർ. ഒരു ടീമിനെതിരെ വഴങ്ങുന്ന സെൽഫ് ഗോളുകളുടെ എണ്ണത്തിന്റെ ക്ലബ് റെക്കോർഡിന് ഒപ്പമാണ് സ്പർസ് ഇന്നെത്തിയത്.
ഇന്ന് നടന്ന പ്രീമിയർ ലീഗ് പോരാട്ടത്തിൽ ഫുൾഹാമിനെതിരെ 45ആം മിനിറ്റിൽ ലോറന്റെ ആണ് ഇന്ന് സെൽഫ് ഗോൾ വഴങ്ങിയത്. ഇതോടെ ഫുൾഹാമിനെതിരെ പ്രീമിയർ ലീഗ് മത്സരങ്ങളിൽ സ്പർസ് വഴങ്ങുന്ന നാലാമത്തെ സെൽഫ് ഗോളായി ഇത്. സൗതാംപ്ടനെതിരെ മാത്രമാണ് ഇതിനു മുൻപ് സ്പർസ് നാല് സെൽഫ് ഗോളുകൾ വഴങ്ങിയിട്ടുള്ളത്.