പ്രീമിയർ ലീഗിൽ ന്യൂ കാസിലിന്റെ കഷ്ടകാലം അവസാനിക്കുന്നില്ല. സീസണിലെ ആദ്യ ജയം തേടി സ്വന്തം ഗ്രൗണ്ടിൽ ഇറങ്ങിയ ന്യൂ കാസിലിനെ ലെസ്റ്റർ സിറ്റി ഏകപക്ഷീയമായ രണ്ടു ഗോളുകൾക്ക് തോൽപ്പിച്ചു. ഇതോടെ അവസാനം കളിച്ച 6 മത്സരങ്ങളിൽ 4 മത്സരങ്ങളും തോറ്റ ന്യൂ കാസിലിന്റെ നില പരുങ്ങലിലായി.
ലെസ്റ്ററിനു വേണ്ടി ആദ്യ പകുതിയിൽ പെനാൽറ്റിയിലൂടെ ജാമി വാർഡിയും രണ്ടാം പകുതിയിൽ ഹാരി മഗ്വയറുമാണ് ഗോളുകൾ നേടിയത്. ജയത്തോടെ ലീഗിൽ ഏഴാം സ്ഥാനത്ത് എത്താനും ലെസ്റ്റർ സിറ്റിക്കായി. അതെ സമയം തോൽവിയോടെ ന്യൂ കേസിൽ ലീഗിൽ 18ആം സ്ഥാനത്താണ്.