ജോയൽ മാറ്റിപ് ലിവർപൂളിൽ വന്നപ്പോൾ ലിവർപൂൾ പ്രതിരോധനിരയുടെ അവസ്ഥ പരിതാപകരമായിരുന്നു. എന്നാൽ ഇന്ന് കഥ അതല്ല. ഇംഗ്ലീഷ് പ്രീമിയർ ലീഗിയിലെ തന്നെ ഏറ്റവും മികച്ച പ്രതിരോധനിര ലിവർപൂളിന്റെ ആണെന്ന് നിസ്സംശയം പറയാം. അതിൽ പ്രധാന പങ്ക് വഹിച്ചത് വാൻ ഡൈകും അലിസ്സണും ആണെങ്കിലും മാറ്റിപ്പിന്റെ പങ്ക് നമ്മൾക്ക് തള്ളി കളയുവാൻ സാധിക്കില്ല
വാൻ ഡൈകിന്റെ അസാധാരണ മികവ് കാരണം പലപ്പോഴും മാറ്റിപ്പിന്റെ പ്രേകടനങ്ങൾ ശ്രദ്ധയിൽ പെട്ടിട്ടില്ല. എന്നാൽ വാൻഡൈക് നിറം മങ്ങുമ്പോൾ പോലും മാറ്റിപ് തൻ്റെ പങ്കാളിയുടെ രക്ഷക്ക് എത്തിയിട്ടുണ്ട് . ഉദാഹരണത്തിന് ആർസണലിനു എതിരെയുള്ള കളിയിൽ ഒബാമയങ് ലിവർപൂളിന്റെ പ്രതിരോധനിര ഭേദിച്ച് ഷൂട്ട് ചെയ്യാൻ പോയപ്പോൾ മാറ്റിപ്പാണ് ഓടി വന്നു ഒബാമയങ്ങിനെ ടാക്കിൾ ചെയ്തത്. ഇത് പല സന്ദർഭങ്ങളിൽ ഒന്ന് മാത്രമാണ് .
മാഞ്ചസ്റ്റർ യുണൈറ്റഡിനെ നേരിടാൻ തയ്യാറെടുക്കുന്ന ലിവർപൂളിന് മാറ്റിപ്പിന്റെ സാന്നിദ്ധ്യം നിർണായകമാണ്. ഈ സീസണിലെ സ്ഥിതിവിവരക്കണക്കുകൾ പരിശോധിക്കുകയാണെങ്കിൽ തന്റെ പങ്കാളിയായ വാൻ ഡൈകിനേക്കാൾ മികച്ച പ്രകടനമാണ് മാറ്റിപ് കാഴ്ച വെക്കുന്നത്. അത് കൊണ്ടു തന്നെയാവണം ലിവർപൂൾ മാറ്റിപ്പിനു പുതിയ ഒരു കരാർ നൽകിയത്.
ഒരു കാര്യം ഉറപ്പാണ്. ജോ ഗോമെസിനു ലിവർപൂൾ ലൈനെപ്പിലേക്കുള്ള തിരിച്ചുവരവ് ദുഷ്കരം തന്നെ. ഈ ഫോമിൽ മാറ്റിപ് മുന്നേറുകയാണെങ്കിൽ വരും വർസ്ഗങ്ങളിലെ ലിവർപൂളിന്റെ പ്രതിരോധം ഈ കാമറൂൺ വംശജന്റെയും വാൻ ഡൈകിന്റെയും കൈയിൽ സുരക്ഷിതം.
