ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡ് ഇന്ന് വാറ്റ്ഫോർഡിനെ നേരിടും. ഓൾഡ്ട്രാഫോർഡിൽ വെച്ചാണ് മാഞ്ചസ്റ്റർ യുണൈറ്റഡ് വാറ്റ്ഫോർഡ് മത്സരം നടക്കുന്നത്. അവസാനം ഇരുവരും ഏറ്റുമുട്ടിയപ്പോൾ നടന്നത് മാഞ്ചസ്റ്റർ യുണൈറ്റഡ് ആരാധകർ ഓർക്കാൻ പോലും ഇഷ്ടപ്പെടുന്നുണ്ടാകില്ല. അവസാന മത്സരത്തിൽ ഒലെയുടെ മാഞ്ചസ്റ്റർ യുണൈറ്റഡിനെ 4-1ന് വാറ്റ്ഫോർഡ് തകർത്തിരുന്നു.
എന്നാൽ ഇപ്പോൾ മെച്ചപ്പെട്ട പ്രകടനം കാഴ്ചവെക്കുന്ന മാഞ്ചസ്റ്റർ യുണൈറ്റഡ് ഇന്ന് വാറ്റ്ഫോർഡിനെ എളുപ്പത്തിൽ പരാജയപ്പെടുത്തും എന്നാണ് പ്രതീക്ഷിക്കപ്പെടുന്നത്. അവസാന 15 മത്സരങ്ങളിൽ മാഞ്ചസ്റ്റർ യുണൈറ്റഡ് ആകെ ഒരു മത്സരം മാത്രമെ പരാജയപ്പെട്ടിട്ടുള്ളൂ. ചാമ്പ്യൻസ് ലീഗിൽ മാഡ്രിഡിൽ വെച്ച് അത്ലറ്റിക്കോയെ സമനിലയിൽ തളച്ച മാഞ്ചസ്റ്റർ യുണൈറ്റഡ് ഇന്ന് വിജയവഴിയിലേക്ക് തിരികെ വരാൻ ആകും ശ്രമിക്കുക. റൊണാൾഡോക്ക് ഇന്ന് ക്ലബ് വിശ്രമം നൽകിയേക്കും.
ഇന്ന് രാത്രി 8.30നാണ് മത്സരം.