യുവൻ്റസും പോൾ പോഗ്ബയും മിഡ്ഫീൽഡറുടെ കരാർ അവസാനിപ്പിക്കാൻ ധാരണയിലെത്തിയതായി റിപ്പോർട്ടുകൾ. പോഗ്ബയുടെ വിലക്ക് നാല് വർഷത്തിൽ നിന്ന് 18 മാസമായി കുറച്ച് കോടതി ഓഫ് ആർബിട്രേഷൻ ഫോർ സ്പോർട് (സിഎഎസ്) സ്ഥിരീകരിച്ചതിന് ശേഷവും കരാർ അവസാനിപ്പിക്കാൻ ആണ് യുവന്റസ് തീരുമാനം. കഴിഞ്ഞ ഫെബ്രുവരി മുതൽ താരം സസ്പെൻഷനിൽ ആണ്.
2025 ജനുവരിയിൽ പോഗ്ബ ഫുട്ബോളിലേക്ക് മടങ്ങിയെത്തുമ്പോൾ, യുവൻ്റസിനൊപ്പം പരിശീലനം നടത്താൻ അനുവദിക്കും. എന്നിരുന്നാലും, പോഗ്ബയും ക്ലബും ഒരു പുതിയ തുടക്കത്തിനായി താൽപ്പര്യപ്പെടുന്നുവെന്നാണ് റിപ്പോർട്ട്. പോഗ്ബ അമേരിക്കൻ ഫുട്ബോളിലേക്ക് മാറാൻ സാധ്യതയുണ്ട്.
