2026 ലോകകപ്പിന് യോഗ്യത നേടാനുള്ള തങ്ങളുടെ പ്രതീക്ഷകൾ പുനരുജ്ജീവിപ്പിക്കാൻ കഴിയാത്തതിനെ തുടർന്ന് കോച്ച് ജോർജ് ഫൊസാറ്റിയുമായി പെറു വേർപിരിഞ്ഞു. 74 കാരനായ ഫൊസാറ്റി 2023 ഡിസംബറിൽ ആയിരുന്നു ചുമതലയേറ്റത്.
ഫോസാറ്റി വന്നിട്ടും, 12 മത്സരങ്ങളിൽ നിന്ന് ഏഴ് പോയിൻ്റുമായി പെറു ദക്ഷിണ അമേരിക്കൻ യോഗ്യതാ പട്ടികയിൽ അവസാന സ്ഥാനത്താണ്. നിലവിൽ യോഗ്യതയ്ക്ക് ആവശ്യമായ ആറാം സ്ഥാനത്തേക്കാൾ വളരെ പിന്നിലാണ് ടീം.
മാർച്ചിൽ യോഗ്യത മത്സരങ്ങൾ പുനരാരംഭിക്കുന്നതിന് മുന്നോടിയായി ഒരു പുതിയ പരിശീലകനെ പെറുവിയൻ ഫുട്ബോൾ ഫെഡറേഷൻ നിയമിക്കും.
