യമാലിനെക്കാളും റാഫിഞ്ഞയെക്കാളും ബാഴ്സയുടെ ഏറ്റവും നിർണായകമായ താരം പെഡ്രിയാണ് – ക്രൂസ്

Newsroom

Picsart 25 05 05 08 31 15 447
Download the Fanport app now!
Appstore Badge
Google Play Badge 1


റയൽ മാഡ്രിഡ് ഇതിഹാസം ടോണി ക്രൂസ് ബാഴ്സലോണയുടെ മിഡ്ഫീൽഡർ പെഡ്രിയെ പ്രശംസിച്ചു. ലാമിൻ യാമാൽ, റാഫിഞ്ഞ, ലെവൻഡോവ്സ്കി എന്നിവരെക്കാൾ ബാഴ്സയുടെ ശൈലിയിൽ ഏറ്റവും നിർണായകമായ താരം പെഡ്രി ആണെന്ന് ക്രൂസ് പറഞ്ഞു.

Picsart 25 05 05 08 30 45 134


“എൻ്റെ കാഴ്ചപ്പാടിൽ, പെഡ്രിയെപ്പോലൊരാൾ ലാമിൻ, റാഫിഞ്ഞ അല്ലെങ്കിൽ ലെവൻഡോവ്സ്കി എന്നിവരെക്കാൾ പ്രധാനപ്പെട്ടവനാണ്. അവരാണ് കളി തീരുമാനിക്കുന്നത്, എൻ്റെ അഭിപ്രായത്തിൽ പെഡ്രിയാണ് ഇപ്പോൾ അദ്ദേഹം കളിക്കുന്ന പൊസിഷനിൽ ലോകത്തിലെ ഏറ്റവും മികച്ചവൻ.” ക്രൂസ് എടുത്തുപറഞ്ഞു.


“പെഡ്രി, കളിക്കാത്തപ്പോൾ നിങ്ങൾക്ക് നഷ്ടപ്പെടം മനസ്സിലാകുന്ന ഒരു കളിക്കാരനാണ്. അവൻ ഗോളുകൾ നേടുകയോ, ഗോളുകൾക്ക് വഴിയൊരുക്കുകയോ മാത്രമല്ല. അവൻ നിങ്ങൾക്ക് പല പ്രശ്നങ്ങൾക്കും പരിഹാരങ്ങൾ നൽകുന്നു.” – ക്രൂസ് പറഞ്ഞു


“ചാമ്പ്യൻസ് ലീഗിൽ മാത്രം, ഒരു കളിയിൽ അവൻ 52 എതിരാളികളെ മറികടക്കുന്നു. ലാ ലിഗയിൽ ഇത് അതിലും കൂടുതലാണ് – അവൻ ഒരു കളിയിൽ 59 എതിരാളികളെ മറികടക്കുന്നു! ഒരു കളിയിൽ 11-12 പ്രതിരോധക്കാരെ അവൻ മറികടക്കുന്നു, ഇത് ഒരു മിഡ്ഫീൽഡറെ സംബന്ധിച്ചിടത്തോളം ഏറ്റവും ബുദ്ധിമുട്ടുള്ള കാര്യമാണ്.” – ക്രൂസ് പറയുന്നു.


“ഇടുങ്ങിയ ഇടങ്ങളിൽ ഡ്രിബിൾ ചെയ്ത് ഒരാളെ മറികടക്കാൻ കഴിവുള്ള വളരെ കുറച്ച് മിഡ്ഫീൽഡർമാരിൽ ഒരാളാണ് പെഡ്രി. പെഡ്രിയെപ്പോലൊരു കളിക്കാരൻ കളിയുടെ എല്ലാ ഘട്ടങ്ങളിലും നിങ്ങളെ സഹായിക്കും.” – അദ്ദേഹം കൂട്ടിച്ചേർത്തു